දහහත්වෙනි කොටස
පහතරට දෙවොල් මඩු ශාන්තිකර්මයේ පූජාවිධි රටාවේ සව්ස්තරාත්මක විග්‍රහය
මෙම කොටසින් ඉදිරිපත් කිරීමට බලාපොරොත්තු වන මාතෘකාවට ප්‍රථමයෙන් සදහන් කලයුතු පෙලපාළි කිහිපයක් පිලිබදව ඔබට සුලු හෝ තොරතුරක් ඉදිරිපත් කලයුතුව තිබේ .එනම් පත්තිනි බාගයට අයත්වන අඹ විදීම ,මරාඉපැද්දවීම සහ දොලහා පෙලපාළිය යන පෙලපාළි අංගයන් තුනයි.සියනෑ කෝරළ ගුරුකුලයට අයත් වන අළුත්කූරු කෝරළයේ අතීතයේදී මෙන්ම වර්තමානයේද දකින්නට ලැබෙන මෙම පෙලපාළි පත්තිනි බාගය තුලදී ඉදිරිපත් කරනු ලැබේ .මේ අනුව යහන් වලට දේවාභරණ වැඩමවීමෙන් පසුව අඹ විදමන සහ මරාඉපැද්දවීමත් තෙල්මේ නර්තනයෙන් පසුව දොලහා පෙලපාළියත් රගදක්වනු ලබයි . මෙය සියනෑ ගුරුකුලය තුල තිබූ පුරාණ චාරිත්‍ර ක්‍රමයයි.මෙම ප්‍රදේශයේ පුරාණ පත්තිනි දේවාලයන්හි කපුපත්තිනි වරුන්ගේ මතයට අනුව පත්තිනි බාගයේ පෙලපාළි පත්තිනි බාගය තුලදී ඉදිරිපත් කර අවසන් කල යුතුය. එම මතයේ නිවැරදි බවක් තිබෙන බව සදහන් කල යුතුය.මෙම පෙලපාළි පිලිබදව සවිස්තර විග්‍රහයක් පසුව ඉදිරිපත් කිරීම සිදුකරනු ලබන අටියෙන් පූජාවිධි රටාව ඉදිරිපත් කරමින් පැමිණි ක්‍රමවේදය අනුව මෙම තැනට අයත් පෙලපාළිය ඉදිරිපත් කරමි.
Marvelous Wahala Dance
වාහල භාගය හුණුපිටිය ගංගාරාම විහාරස්ථානයේ මහා ගම්මඩු ශාන්තිකර්මය | LIVE
වාහල නර්තනය (නැටීම
දෙවොල් මඩු ශාන්තිකර්මයේ පත්තිනි බාගය කාලපරාසය තුලදී සිදුකල යුතු නියමිත පෙලපාළි අවසන් කිරීමෙන් පසුව එලබෙන කාලපරාසය වනුයේ වාහල බාගයයි.එම කාල පරාසය තුලදී වාහල දෙවියන් නොහොත් දැඩිමුණ්ඩ දෙවියන් වෙනුවෙන් පූජාර්ථය පදනම් කරගෙන පවත්වනු ලබන නර්තන අංගය වනුයේ වාහල නැටීම නොහොත් වාහල නර්තනයයි.මෙම නර්තනය ආරූඩවීමකින් ඉදිරිපත් කරනු ලබන උද්වේගකර නර්තනයකි. මෙය වාහල දෙවියන්ගේ වරමකින් සිදුකරනු ලබන බව දුම්මල දිෂ්ඨියකින් කරනු ලබන බව මෙන්ම ගෙජ්ජිවරමින් සිදුකරනු ලබන නර්තන අංගයක් ලෙසින් ප්‍රචලිතව ඇත .වර්තමානයේ කුමන ආකාරයට මෙම නර්තනය පිලිබදව ප්‍රේක්ෂක ජනතාව අදහස් දැක්වීමක් සිදුකරනු ලැබූවද අතීතයේදී ඉතාම භක්තිමත් බවකින් ජනප්‍රියත්වයට පත් නර්තන අංගයක් ලෙසින් ජනාදරයට පත්ව තිබුනි.වර්තමානයේදී පත්තිනි නර්තනය නැරඹීමට බොහෝ පිරිස් කැමැත්තක් දක්වන්නාසේම වාහල නර්තනය අතීතයේදී ප්‍රේක්ෂක ජනතාව තුල ඉතාමත්ම ජනප්‍රියත්වයට පත්ව තිබූ නර්තනයකි.මෙම නර්තනය කෙරෙහි ග්‍රාමීය ජනතාව ඉමහත් භක්තිමත් භාවයක් මෙන්ම භය පක්ෂපාතී බවකින් යුක්තව කටයුතු කලහ.
Mysteries Wahala Dance
A Beautiful one and only Live dance perform වාහල භාගය | ගංගාරාම ගම්මඩුව
එමගින් තම පවුල් වලට ආශීර්වාදයක් සෙත් ශාන්තියක් නිරන්තරයෙන්ම ලගාවේවා යන විශ්වාසය දැඩිසේ හිත්තුල මුල්බැස ගෙන තිබූනි.එසේම කිසිදු යක්ෂ භූත බලපෑමක් එම ගංකොරටුවට පැමිණීමෙන් අනර්තයක් සිදු නොවන බවට දැඩි විශ්වාසයක් පැවතුණි .එසේම වාහල නර්තනය තුල අන්තර්ගතව පවතින්නාවු මූලික පරමාර්ථය වනුයේද නපුරු බලවේග තුලින් තම ගමට ගම්වාසීන්ට පලාත් වාසී ජනී ජනයාට සිදුවන්නවූ උපද්‍රවයන් පලවා හැරීම තුලින් සෙත සැලසීමයි. (යක්ෂ ප්‍රේත, පිසාච, කුම්බාන්ඩ, ගෙවල, යනාදී නපුරු බලවේගයන් තුලින් සිදුවන අනර්තයක් වලකාලීම). මෙවන් අනර්තයන් වලකාලීමට ව්ශේෂිතවු බලයක් දැඩිමුණ්ඩ දෙවියන් තුල පවතින බව ජනයා තුල දැඩි විශ්වාසයක් පැවතුණි. එලෙස වීමට හේතු සාධක වනුයේද යක්ෂයන්ට අධිපතිවී යකුන් පාලනය කරනු ලබන දෙවියන් දැඩිමුණ්ඩ දෙවියන් බව බොහෝ පිරිසක් දැන සිටීමයි.අතීත කාලයේදී පත්තිනි බාගයේ වැඩ මධ්‍යම රාත්‍රී දොලහ හෝ අළුයම එක වනවිට අවසන් කල යුතුම විය.මෙය කපුපත්තිනි මහතාගේ වගකීම මෙන්ම ආතුර පක්ෂයේ දැඩි බලාපොරොත්තුවීමකි.එසේම වාහල නර්තනය අවම පැය තුනක කාලපරාසයක් කලයුතු විය.එය සියලු බැතිමතුන්ගේ දෙවියන් කෙරෙහි පවතින භක්තිමත් බාවය පිලිබිබු කරන්නකි.එසේම මෙම නර්තනය මඩුයාග වල අසීරුම කටයුත්ත බවට පත්වී තිබුනි.මෙම නර්තනය ඉදිරිපත් කරනු ලබන ශිල්පියාද ඒ පිලිබදව සිටින අති දක්ෂතාවයක් දක්වන්නාවූ අයකුද වියයුතුමයි. මේ තුලින් පිලිඹිබු වන්නේ මෙම නර්තනයට මොන තරම් භක්තිමත්ව බවක් පිලිගැනීමක් තිබුනාද යන්නයි.
Wahala Dance දැඩිමුණ්ඩ ආරූඪයෙන් ප්‍රලය වී නර්තනයේ යෙදෙන වාහල නැටුම
Ganewatta Gammaduwa - 2021
වාහල නර්තනය සිදුකරනු ලබන ක්‍රමවේදය පහතින් සදහන් කරනු ලබන පරිදි ගොඩනැගී ඇත .එය අතීතයේදීද වර්තමාන කාලයේද කිසිදු වෙනසකින් තොරව සිදුකරනු ලැබේ .පලමුවෙන්ම කාලපන්දම් ගස මුලින් සුදු පිරුවටයක් එලනලද ලී පුටුවක් තබනු ලබයි. එම පුටුවෙහි වාහල නර්තනය ඉදිරිපත් කරනු ලබන ශිල්පියා නියමිත ඇදුම් ආයිත්තම් වලින් සැරසී පැමිණි වාඩිවේ.ඉන් පසුව කපුපත්තිනි මහතා සහ ප්‍රවීණ ශිල්පීන් විසින් දැඩිමුණ්ඩ දෙවියන්ට ආරාධනා ගායනාවන් සිදුකරනු ලබන අතරම නර්තනය ඉදිරිපත් කරනු ලබන ශිල්පියාව ආරූඩ කිරීමට ජපකරන ලද දුම්මල දුම් එම ශිල්පියාට අල්ලනු ලබයි.මෙහිදී එම ආරූඩය ලබන ක්‍රමවේදය ඉදිරිපත් වෙයි.එනම් දුම් අල්ලන ක්‍රමය අනුව ආරූඪවීම සිදුවන රටාවේ වෙනස්කම හදුනා ගැනීමට ලැබීමයි.
Makumbura Paththini Dewalaya Devol Maduwa
වාහල නෙර්තය I කොටස - වාර්ෂික ගම්මඩු මංගල්‍යය 2022
මෙය ශාන්තිකර්මයට සහබාගීවන ප්‍රවීණයන් පමනක් දන්නා ක්‍රියාවලියකි .එහිදී මුහුණට දුම් අල්ලා අල්ලා ආරූඩ කරනුයේ කුමන ආරූඩ කිරීමක්ද දෙපයට සහ ගෙජ්ජි කුට්ටමට දුම් ඇල්ලීමෙන් ලබා දෙනුයේ කුමන ආරූඩ කිරීමක්ද දේවමාලිගාව තුල සිට ආරූඩ වනුයේ කුමන ආරූඩ කිරීමක්ද යන ක්‍රමවේදයන් තුන පිලිඹිබුවේ .මෙම කුමන ක්‍රමවේදයක් අනුගමනය කලද දිෂ්ඨි මංත්‍රවලින් ජීවම් කරන ලද දුම් ඇල්ලීම සිදුකෙරේ .දේවමාලිගාව තුල සිට ආරූඪවීම ප්‍රබලව පානදුර තොටමුන කෝරළය තුලදී සහ සියනෑවේ අළුත්කූරු කෝරළය තුලදී දැකගත හැකිය.මෙම ආරූඪ කිරීම සිදුවන තෙක්ම දැඩිමුණ්ඩ උපත් කවි දැඩිමුණ්ඩ ඉනාවේ කවි ගලකැප්පූ සැහැල්ලේ කවි ගායනා කරනු ලැබේ .
Makumbura Paththini Dewalaya Devol Maduwa
වාහල නෙර්තය II කොටස - වාර්ෂික ගම්මඩු මංගල්‍යය 2022
එසේම වාදනයද ක්‍රමක්‍රමයෙන් උද්වේගකරන අතරම ගායනයද ඊට සරිලන ආකාරයටම සිදුකරනු ලැබේ .නිසි ආරූඩයට පැමිණීමෙන් පසු වාහල නර්තනය සිදුකරනු ලබන ශිල්පියා රංගභූමිය මධ්‍යයට පැමින උද්වේගකර කඩිනම් වේගවත් රටාවක් අනුගමනය කරමින් නර්තනය සිදුකරනු ලැබේ මෙම වාහල නර්තනය තුලදී යහන්දැක්ම නර්තනයට සුවිශේෂි ස්ථානයක් හිමිවේ.මෙම නර්තනය කොතරම් උද්වේගකර කඩිනම් උවත් පද පෑගීම තිබිය යුතු බව ප්‍රවීණ ශිල්පීය මතයයි.වාහල නර්තනයේ යෙදෙන ක්‍රමවේදයන් දෙකක් තිබෙන බැවින් ඒ අනුව මෙහි වේගවත් බව තීරණයවේ.දැඩිමුණ්ඩ දෙවියන්ගේ කිරුළ පැලද නර්තනය කිරීමත් වාහල තොප්පිය පැලද නර්තනයේ යෙදීමත් මත වේගය (කඩිනම් බව)තීරණයවේ .කුමන ආකාරයට ඉදිරිපත් කරනු ලැබූවද පද පෑගීම තිබිය යුතුවේ.එය ශාස්ත්‍රීය නියමයකි.කුමන වේගයකින් ඉදිරිපත් කරනු ලැබූවත් මෙම නර්තනය පූජාර්ථය පදනම් කරගෙන කරනු ලබන නර්තනයක් බව සදහන් කල යුත්තකි .
එසේම කුමන ආරූඩයකින් ඉදිරිපත් කරනු ලැබූවද පිස්සන්සේ නොනටන බවත් කලයුතු පූජා කර්මය නිසියාකාරව නිවැරදි ආකාරයට ඉදිරිපත් කරනු ලබන බවත් විශේෂයෙන් කිව යුත්තකි .එසේම මෙම නර්තනය තුලදී හත් පද පෙලපාළියක් මෙන්ම දුම්මල හත් පදයකට අනුව දුම්මල කීල ගැසීම සිදුවිය යුතුය.මෙම නර්තනය තුලදී ඉදිරිපත් කලයුතු නර්තන සංයුතිය මෙසේය .
*යහන්දැක්ම නැටීම
*කොතල පදය නැටීම
*දුම්මල පදය නැටීම
*කලස් පදය නැටීම
*සෝලුවේ පදය නැටීම
*හක් ගෙඩියට පදය නැටීම
*පොල්මලට පදය නැටීම
*පොල්ගෙඩියට පදය නැටීම
*පන්දම් රැගෙන යහන් වලට පාලිකර පසුව
දුම්මල හත් පදයට අනුව දුම්මල කීලගැසීම
*මින් පසුව ප්‍රකෘති සිහිය ගෙන දැඩිමුණ්ඩ
සව්දම නටා ආතුර පක්ෂයෙන් පඩුරු ලබා
ආතුරයින්ට සෙත් සැලසීම .....
වාහල දෙවියන්ගේ උපත් කවි
සතත සත තුන් නෙ තා
පොතත උවනත මිහික තා
බරන දිය බැද යු තා
සෙතත සලසා මෙමුරු රැක දෙ තා
වැඩ උන් බෝ මැඩ ට
කඩ නොව මාර යුදය ට
දිඩ බල දෙවිදු සි ට
මුන්ඩ දැඩිමුණ්ඩ වඩිමින් හැමවි ට
උරග යහනක් පි ට
උරග බලයෙන් වැඩ සි ට
තරග නොව අප හ ට
මෙරග මඩලට වඩින් හැම වි ට
මහ බඹු දුන් වර න්
පත්තිනි දෙවිදු රැකි ද න්
වාසල තෙද වර න්
කියා පවසන් ඔබගෙ තෙද වර න්
වරන් තෙද ලත්තෙ නි
යකුන් ඔද බිද ගත්තෙ නි
නරන් රැකි නිත්තෙ නි
වඩින් වාසල දෙවිදු නිත්තෙ නි
උපත පලමු නාග භවන එරන්දතිය කු ස
නියත දාව පූර්න යකුට පසුවිය දස ම ස
නැවත සදුන් හරයට බිහිඋන පුන්සද ලෙ ස
උපත කියමි තෙද දැඩිමුඩ දෙවිදුගෙ මේලෙ ස
පුන්සද මඩලක් විලසින් උරග භවනෙ ඉ ද
රන් පිලිමය වෙමින් පාට ධවල වර්ණය ද
නන් ඇති ආභරණ පැලද නික්මී එම ස ද
තුන්ලොව කම්පා කරගෙන හිමාල වන මැ ද
වැඩ මුනිරජ බෝධිමුලට බුදුවෙන පිනි සා
කඩනොව සොත්තිය බමුණා කුස තන සල සා
වැඩ මුනිරජ ඉදිමින් මුනි ආසන පිවි සා
වඩිමින් විදුරස්න තුදුස් රියනක් එඋ සා
වාහල දෙවියන්ගේ ආරාධනා කවි
තෙරුවන් නැමැද සි ට
සියලු දෙවියන් වැද සි ට
ගුරු වරන් ලැබ සි ට
කියමි කවිකර එවාහල් අ ට
යොදුන් උස පමනි නේ
සදුන් සුවදින් පුද ලබන් නේ
බුදුන් අනුහසි නේ
අදුන් වාහල දෙවිදු වඩි නේ
සදුන් සුවදින් පු ද
සරසා දෙමින් නිවර ද
නපුරු දොස් හරින ලෙ ද
සදුන් වාහල දෙවි වඩින් අ ද
කාම තෙද බැතියෙ න්
පේමකර දෙන පුද ලබමි න්
සෑම දෙවි සමගි න්
කාම වාහල දෙවිදු වඩිමි න්
අෂ්ඨ වාහල් අ ට
දිෂ්ඨිලා වඩිනු මෙරග ට
දුෂ්ඨ අන වින හරින ට
අෂ්ඨ වාහල දෙවි වඩින් මෙරග ට
වදුරු උවදුරු රෝග හරිනට මෙවැනි
ගම්මඩු කරවමින් නේ
රුදුරු වසවතු සමග දසබිම්බරක් බිදහැරි
ලෙසින් නේ
කදුරුගොඩ දේවාලෙ වැඩසිට පුදපඩුරු
ලත් අනුහසින් නේ
ඉදුරු දිග බැස සිද්ධ වාහල දෙවිදු
මෙරගට වඩින් නේ
නික්ම ගිය අප බෝසතානෝ බුදුවෙන්ට
පලමුව දි නේ
රොස්ව වසවතු ඇවිත් පෙරමග යාම
නොදෙමැයි කියමි නේ
යක්ෂ භූතය ප්‍රේත ග්‍රහදොස් අපල
උවදුරු හරිමි නේ
අග්නි දිග බැස සිද්ධ වාසල දෙවිදු
මෙරගට වඩිමි නේ
නාම තෙදබල සේරමානන් නිරිදුගේ
දොස හරින් නේ
නාම දස අවතාර ලත් ඒ විෂ්ණු
දෙවි අනුහසින් නේ
නාම දැඩිමුඩ සිද්ධ පත්තිනි දෙවොල්
දෙවියන් අනුහසින් නේ
යාම දිග බැස සිද්ධ වාසල දෙවිදු
මෙරගට වඩින් නේ
...................................................................................
ප්‍රවීණ පාරම්පරික නර්තන සහ වාදන ශිල්පී
දේශබන්දු කේ.ඩී.නිහාල් චන්ද්‍රසිරි (BFA )
...................................................................................
No comments:
Post a Comment